مش معقول عشان تثبت فكره في دماغك تروح دامجها بالدين
زي اللي هينزلوا يوم 30/6 دول بيهاجموا الدين الاسلامي وانها ثوره علي الاسلام وبلا بلا بلا انا عمري ماشوفت واحد بيلعب بدينه سياسه؟ وبعدين صديقي سائق الميكروباض, انتا عارف ان حزب النور نازل يوم 30/6 طاه عارف ان الازهر بيدعم الثوره؟ طاه عارف ان في شيوخ اكثر احتراما من شيوخك وشايفين مرسيك ده حمار؟ ولا دول برده نازلين في ثوره ضد الاسلام؟
وبرضوا للعلم هناك حرية رأي, وانا مش زيك وانتا مش زيي وعمرنا ما هنكون بنفكر زي بعض يعني انا اقول اللي انا عايزه وانتا تقول اللي انتا عايزه مش معني اني قولت اللي انتا مش عايزه ان انا كافر ومش معني انك شايف نفسك صح ان كل الناس غلط وان كلهم مش فاهمين حاجه لانهم بيقولوا كلام غير كلامك, اصرارك علي رأيك اكبر دليل ان رأيك مالوش اثبات ومالوش دليل مادي يأكد صحته او حتي يدعمه, لأنه من الاخر لو رأي قوي اوي كده انتا مش محتاج تدافع عنه, الرأي او المعلومه بتدافع عن نفسها بحقايق و ادله ماديه وكل الادله والبراهين تثبت ان محمد مرسي بضين.
وبعدين افرض ان مرسي ده زي الفل وراجل 100/100 وشغل فنادف وبيعمل كل حاجه والفلوس مش عارفين نوديها فين, انا مبحبوش مش عايزه, دي بقا حاجه ترجعلي مترجعلش, يعني ده قراري مش قرارك. حتي لو من وجهة نظرك غلط فهوا قرار ولازم تحترمه, وعدم احترامك لقراري هيخليني محترمش قرارك وهنوصل لنفس النتيجه برضو وهيا ان مفيش نتيجه
فتعالا نلعب لعبه.
انا هخليك تقولي يا كافر, وانا هقولك فقال رسول الله صلي الله عليه وسلم " إذا كفر الرجل أخاه فقد باء بها أحدهما ". #شكراً #باي #وداعاًمرسي.
No comments:
Post a Comment