Sunday, July 12, 2015

بشخبط


بضايق اوي من السلام والاحضان وكل الكلام اللي متعرفش احنا بنقولوا ليه
كاننا مجبوربن, تصرفات مجبورين نعملها عشان نبان عادي زي اي حد
عشان محدش يركز معانا بنحاول نرد علي اسئلة مضطرين نرد علييها
بدل ما نتسال اسئلة مش هينفع نرد عليها
بنحاول نعمل مبسوطين ونضحك مش شرط عشان مبسوطين بس بنضحك
بضايق من اللي بيكلم وهوا بياكل
بحس ان الاكل من حقة تديلوا اهتمام
من حقة تركز معاه
بضايق برضوا من اللي بيفتح بقوا وهوا بياكل
بضايق من ازيك, اخبارك ايه, عامل ايه
بضايق من الناس اللي بتعمل مهتمة وهي مش مهتمة
هي مش مهتمة عشان هي عايزة تكون مش مهتمه
هي مش مهتمة عشان مش بايديها تكون مهتمة
مش بايديها تحس باللي بيحصل معاك 
مش بايديها تسمع صوت كل كلمة جوا دماغك
كل كلمة بتقولها لنفسك وسط ناس كتير ومحدش سامعك
مش بايديها تكون فاهماك
بضايق من حاجات كتير بنعمل منها حوار فاجأة وهي موجودة من زمان
بضايق لما بنضايق من حاجة بتحصل كل يوم
بضايق لما بشوف ناس متأثرة بموت حد متعرفوش
ممثل مغني
وبسأل نفسي هما بجد مصدقين انهم زعلانين؟
او ده الزعل بالنسبالهم؟ ده معني الالم عندهم؟
ولا هما عاملين زعلانين عشان فيه ناس تانية عاملة زعلانة ومحدش زعلان اصلًا
مش عارف يمكن وانا بكتب الكلام ده مات كام واحد
بيموت كل دقيقة 107 انسان
وده اللي بيضايقني في الاساس, ليه يجي واحد منهم موته يبقي مهم اوي 
ف ظل ان الشخصين معرفتنا الشخصية بيهم تعتبر واحدة وهي اننا منعرفش عنهم حاجة
بضايق من اهتمامنا بالعدد وكانه اثبات
بضايق لما المسلمين بيهتموا ب مين مسلم ومين مغني اسلم ومين ممثل اسلم وكأنهم بيتشرفوا
بضايق من ان كل واحد بيحاول ياخد اي جانب
بضايق لما الاقيه مش فاهم انه مش شرط يكون مع حد

بضايق من حاجات كتير بس ده مش حوارنا
انا من حقي اتضايق وانت من حقك تعمل اللي انت عايزة
سلام

No comments:

Post a Comment